ശാന്തി

എടവത്തില് അമ്മമ്മയുടെ വീട്ടില് അമ്മ എന്നെ പ്രസവിക്കുമ്പോ മലയി ദെച്ചോട്ടിയായിരുന്നു കൂട്ടുണ്ടായിരുന്നത്. കര്‍ക്കടകത്തില് കുഞ്ഞിതെയ്യത്തിന്റെ കൂടെ വീട്ടില് വരുമ്പഴും, കളിയാട്ടത്തിന് തെയ്യത്തിന്റെ മോത്തെഴുതുന്നത്‌ കാണാന്‍ അണിയറയുടെ അടുത്ത്‌ പോയി നിക്കുമ്പോഴും ദേച്ചോട്ടി അരികിലേക്ക്‌ വിളിക്കും എന്നിട്ട്‌ ചേര്‍ത്തുപിടിച്ച്‌ സ്നേഹത്തോടെ തലയില്‍ തടവിക്കൊണ്ട്‌ പറയും ‘ഞാനെടുത്ത കുഞ്ഞിയാണ്, എന്റെ മോനാന്ന്’. എന്നെകൂടാതെ കക്കാട്ട്‌ ദെച്ചോട്ടിക്ക്‌ വേറേയും കുറേ മക്കളുണ്ടായിരുന്നു.

.....

എനിക്ക്‌ മുന്നത്തെ ക്ലാസിലായിരുന്നു സുരേഷ്‌, കണക്കില് അമ്പതില് അമ്പത്‌ മാര്‍ക്ക് വാങ്ങിക്കുന്നോണ്ട്‌ കണക്കിന്റെ മാഷ്‌ ‘കുറുപ്പേന്ന്‌ ’ വിളിക്കുമായിരുന്നു അവനെ. ഏഴാം ക്ലാസില്‍ വെച്ച് ഒരു പനി വന്ന്‌ സുരേഷ്‌ മരിക്കുന്നതുവരെ സുരേഷിന്റെ അമ്മ ജാനകിയേട്ടിയായിരുന്നു സ്ക്കൂളീല് ഉച്ചകഞ്ഞിവെച്ചിരുന്നത്‌. ജാനകിയേട്ടീരെ പയറും കഞ്ഞീം കുടിച്ചാണ് ഞങ്ങളൊക്കെ വളര്‍ന്നത്‌. ഉച്ചക്ക്‌ ജാനകിയേട്ടീരെ പയറും കഞ്ഞീം ആണെങ്കില്‍ രാത്രി വീട്ടില് ജാനകിയേട്ടീരെ വീട്ടുകാര്‍ ഉണ്ടാക്കുന്ന മണ്ണിന്റെ കലത്തില്‍ അമ്മ ചോറും മീന്‍ കറീം വെച്ചു.

.....

ശാന്തി.